ماہر فلکیات پروفیسر محمد حمزہ نعیم نے پیش گوئی کی ہے کہ رمضان المبارک کا مہینہ 30 روزوں پر مشتمل ہوگا اور عیدالفطر یکم شوال سات جولائی بروز جمعرات کو ہوگی۔
انہوں نے بتایا کہ شوال کا نیا چاند 4 جولائی بروز پیر کی سہ پہر 4 بجے پیدا ہو گا اور اس شام بوقت نماز مغرب اس کی عمر صرف 3 گھنٹے 22منٹ ہو گی۔
5 جولائی بروز منگل کی شام چاند کی عمر27 گھنٹے اور ویسٹ ہوری زون میں لیگ ٹائم 45 منٹ جبکہ بوقت نماز مغرب کراچی، کوئٹہ، چارسدہ اورپشاور میں 38 منٹ ہوگا۔
چاند نظر آنے کے لئے اس کا افق پر دورانیہ کم از کم 50 منٹ ہونا ضروری ہے، اس لئے 5 جولائی بروز منگل کو چاند نظر آنا ممکن نہیں۔
شوال کا چاند 30 روزوں کے بعد 6 جولائی بروز بدھ کی شام ملک کے اکثر علاقوں میں بآسانی دیکھا جا سکے گا۔