بھارت کے معروف انگریزی اخبار ٹائمز آف انڈیا کے صحافی اکشے مکل نے وزیراعظم نریندر مودی کے ہاتھوں سے ایوارڈ لینے سے انکار کرتے ہوئے کہا ہے کہ ان کو صرف ایوارڈ دینے والی شخصیت سے پرہیزہے۔
انہوں نے کہا کہ وزیر اعظم نریندر مودی اور میں، ایک ساتھ ایک فریم میں موجود ہونے کے خیال کے ساتھ میں زندگی نہیں گزار سکتا۔
اکشے مکل کا کہنا تھا کہ رام ناتھ گوئنکا ایوارڈ پا کر میں فخر محسوس کر رہا ہوں لیکن نریندر مودی کے ہاتھوں سے میں یہ ایوارڈ نہیں لے سکتا۔
اکشے مکل کو یہ ایوارڈ ان کی کتاب گیتا پریس اینڈ دی میکنگ آف ہندو انڈیا کے لئے دیا گیا تھا۔ ان کی جانب سے یہ انعام کتاب کے پبلیشرہارپر کولنز انڈیا کے چیف ایڈیٹر کرشن چوپڑا نے حاصل کیا۔