شدید دھند کے باعث موٹر وے پر 5 گاڑیاں آپس میں ٹکڑا گئیں، ٹکر سے 11 مسافر جاں بحق ہو گئے۔ حادثہ لاہور اسلام آباد موٹر وے پر پیش آیا۔
حادثے میں متعدد افراد زخمی ہوئے ہیں جنہیں اسپتالوں میں منتقل کر دیا گیا ہے۔
موٹر وے پولیس کے مطابق حافظ آباد میں ایم ٹو موٹر وے پر 5 گاڑیاں آپس میں ٹکرائیں۔ حادثہ شدید دھند کے باعث پیش آیا۔ رات کے وقت موٹر وے پر دھند کے باعث حد نگاہ 20 میٹر سے بھی کم رہ گئی تھی۔
موٹر وے پولیس نے وارننگ جاری کی تھی تاہم تیز رفتاری کے باعث گاڑیاں آپس میں ٹکرائیں۔