ایدھی ہوم کراچی میں موجود بچے عبداللہ کی والدہ حلیمہ کے قتل کیس کی آج سماعت ہوئی۔
کیس کے نئے تفتیشی افسر نے عدالت میں عبوری چالان اور تفتیشی رپورٹ پیش کی جس کے مطابق پولیس کو ملزمہ سونیا کے خلاف کوئی ثبوت نہیں ملے اس لیے دفعہ 497 کے تحت اسے رہا کیا جارہا ہے۔
عدالت نے رپورٹ کا جائزہ لینے کے بعد سونیا کو رہا کرنے کا فیصلہ کالعدم قرار دے دیا اور ملزمہ کو پانچ روز کے لیے جیل بھیج دیا۔
عدالت کا کہنا تھا کہ سونیا سے ابھی تفتیش مکمل نہیں ہوئئی۔ ملزمہ کا نام ایف آئی آر میں درج ہے۔ اس مرحلے پر اسے رہا نہیں کیا جاسکتا۔
کیس کی اگلی سماعت اب اکیس جون کو ہوگی۔
