چیئرمین تحریک انصاف عمران خان کا کہنا ہے کہ پاکستان کو گلوبل وارمنگ سے بچانے کے لیے جنگلات لگانا ہی واحد راستہ ہے۔
اسلام آباد میں نیوز کانفرنس کرتے ہوئے انہوں نے رواں سال کے آخر تک خیبرپختونخوا میں بلین ٹری منصوبے کے تحت پچاس کروڑ درخت لگانے کا دعویٰ کیا اور وفاقی وزیر اطلاعات پرویز رشید کو ساتھ لے جاکر دکھانے کی پیشکش بھی کی۔
عمران خان نے ڈیڑھ ارب روپے کے درخت لگانے کے وفاقی حکومت کے منصوبے کو بھی سراہا تاہم گیس منصوبوں کے لیے وفاق سے این او سی جاری نہ کرنے پر شکوہ بھی کیا۔
انہوں نے بتایا کہ درخت کاٹنے پر خیبرپختونخوا میں ایک ارب روپے کے جرمانے بھی کئے گئے ہیں
