شام کے دارالحکومت دمشق میں روسی سفارت خانے پر حملہ کیا گیا، حملے میں کوئی جانی نقصان نہیں تاہم تاہم سفارت خانے کی عمارت کو نقصان پہنچا ہے۔
روسی وزارت خارجہ کے مطابق اتوار کی شام سفارت خانے پر حملہ کیا گیا، حملے کے دوران 52 راکٹ فائر کئے گئے جن میں سے ایک راکٹ براہ راست عمارت سے آ ٹکرایا۔
راکٹ پھٹنے سے سفارت خانے کی بیرونی دیوار کو نقصان پہنچا تاہم کسی قسم کے جانی نقصان کی اطلاع نہیں۔ روسی وزارت خارجہ کے مطابق راکٹ حملہ دو سے ڈھائی کلومیٹر دور سے کیا گیا۔
وزارت خارجہ کے مطابق دمشق سفارت خانے پر حملہ دمشق کے قریب جوبر کالونی پر بمباری کے بعد کیا گیا۔ اس کالونی پر فتح الشام محاذ ’جفش‘ اور فیلق الرحمان نامی جنگجوؤں کا قبضہ ہے۔