پرانا سے سے تعلق رکھنے والے رائزا سانتانا کو مس برازیل منتخب کیا گیا ہے، رائزا سانتانا افریقی النسل ہیں اور وہ دوسری سیاہ فارم مس برازیل ہیں۔
دنیا بھر میں جہاں سفید رنگت کو خوبصورتی کی ضمانت سمجھا جاتا ہے وہاں برازیل میں روایت توڑی جا رہی ہے۔ مس برازیل 2016 کے مقابلے میں 27 خواتین فائنل تک پہنچیں جن میں سے 7 سیاہ فام تھیں۔
اگرچہ یہ تعداد خوش کن ہے تاہم برازیل میں 54 فیصد آبادی ایسی ہے جو سفید فام نہیں، افریقی النسل یا دیگر نسلوں سے تعلق رکھتی ہے۔
رائزا سانتنا رواں سال مس پرانا منتخب ہوئی تھیں اور مس برازیل کے مقابلے سے پہلے ہی انہیں فیورٹ قرار دیا جا رہا تھا۔
رائزا پرانا اب عالمی مقابلہ حسن یا مس ورلڈ کے مقابلے میں حصہ لے سکتی ہیں۔