خواتین کی شطرنج کی عالمی چیمپئن شپ اگلے سال مارچ میں تہران میں ہو گی۔ اس سلسلے میں ایرانی حکام نے شطرنج کے کھلاڑیوں کو پیغام دیا ہے کہ وہ حجاب پہن کر ملک میں داخل ہوں۔ اگر انہوں نے قوانین کی پاسداری نہیں کی تو پھر انہیں ائیرپورٹ سے باہر نکلنے نہیں دیا جائے گا۔
ایرانی پابندی کے باعث اب تک شطرنج کی 11کھلاڑیوں نے ٹورنامنٹ کے بائیکاٹ کی دھمکی دی ہے۔ ایران کی عالمی حلقوں میں واپسی کے بعد عالمی ادارہ شطرنج نے انہیں پہلا عالمی ٹورنامنٹ دیا تھا۔ تاہم اب ادارے کو اس حوالے سے شدید تنقید کا سامنا ہے۔
انگلینڈ کی گرینڈ ماسٹر نائیجل شارٹ نے کہا ہے کہ فیڈا دنیا بھر میں خواتین کے خلاف امتیازی سلوک کو بڑھاوا دے رہا ہے۔ ادھر امریکی گرینڈ ماسٹر نازی کا کہنا ہے کہ انہیں عالمی چیمپئن شپ چھوڑنے کا انتہائی دکھ ہو گا لیکن اب ان کے پاس کوئی چارہ نہیں۔