پاکستان اور بھارت کے حالات میں کشیدگی مزید بڑھ رہی ہے اور اب بھارت میں پاکستانی فنکاروں اور تکنیکی عملے پر کام کرنے کی پابندی عائد کردی گئی ہے۔
انڈین موشن پکچر پروڈیوسرز ایسوسی ایشن نے ممبئی میں ہونے والے اجلاس میں پابندی کی قرارداد منظور کی۔
اجلاس میں فیصلہ کیا گیا کہ حالات معمول پر آنے تک پاکستانی فنکاروں اور تکینکی عملے کو کام کرنے کی اجازت نہیں دی جائے گی۔
اس سے پہلے انتہا پسند تنظیم مہاراشٹر نونرمان سینا پاکستانی اداکاروں کو بھارت سے نکل جانے کی دھمکی دے چکی ہے۔
ایم این ایس کی دھمکی کے بعد اداکار فواد خان بھارت چھوڑ کر پاکستان واپس آگئے تھے۔
انتہا پسند تنظیم نے فواد خان اور ماہرہ خان کی فلموں کی ریلیز روکنے کی دھمکی بھی دی ہے۔
