امریکی ریاست نیوجرسی میں مسافر ٹرین پٹری سے اتر کر ہوبوکین ریلوے اسٹیشن کی عمارت سے ٹکراگئی۔
حادثے میں 3 افراد ہلاک ہوگئے جبکہ 100 سے زائد افراد زخمی ہیں۔
مقامی ریڈیو کے مطابق ٹرین نے اسٹیشن کی عمارت، ٹکٹ گھر اور انتظار خانے کو نقصان پہنچایا۔
حادثے کے بعد درجنوں افراد بوگیوں میں پھنس کر رہ گئے۔
عینی شاہدین کے مطابق ٹرین پٹری سے اتر گئی تھی۔ حادثے میں کئی افراد ہلاک ہوئے ہیں۔
حادثہ صبح کے وقت پیش آیا جب اسٹیشن پر مسافروں کا رش ہوتا ہے۔
ہوبوکین نیویارک سے سات کلومیٹر دور ہے اور مین ہیٹن آنے جانے والوں کی اکثریت یہاں سے ٹرینیں پکڑتی ہے۔
حادثے کے بعد اسٹیشن سے ٹرینوں کی آمدورفت معطل ہوگئی ہے۔