بھارت نے پاکستان سے فضائی رابطے ختم کرنے پر غور شروع کر دیا ہے۔ نئی دہلی میں نریندر مودی کی زیر صدارت اجلاس ہوا ہے جس میں پاکستان کے خلاف مختلف کارروائیوں پر غور کیا گیا۔
بھارتی میڈیا کے مطابق سندھ طاس معاہدے کو ختم کرنے کے ساتھ ساتھ پاکستان سے فضائی رابطے بھی ختم کرنے پر غور کیا جا رہا ہے۔ پاکستان انٹرنیشنل ایئر لائن کی ایک ہفتے میں 5 پروازیں بھارت جاتی ہیں۔ ان پروازوں میں لاہور سے دہلی، لاہور سے ممبئی، کراچی سے دہلی اور کراچی سے ممبئی کی پروازیں شامل ہیں۔ بھارتی ایئرلائنز کی کوئی پرواز پاکستان لینڈ نہیں کرتی۔
بھارتی میڈیا کے مطابق اگر بھارت فضائی رابطے ختم کرتا ہے تو اس کا مقصد پاکستان کی سرکاری ایئرلائن کو نقصان پہنچانا ہے کیونکہ بھارت کی کسی ایئرلائن کی کوئی پرواز پاکستان نہیں آتی۔