مشرقی یوکرائن میں ملائیشیا کے مسافر طیارے پر ہونے والے میزائل حملے کی تحقیقاتی رپورٹ بالآخر جاری کر دی گئی ہے۔ تحقیقاتی ٹیم کا کہنا ہے کہ حملہ یوکرائن کے باغیوں کی جانب سے کیا گیا تھا۔ اس کے بعد حملے میں استعمال ہونے والی لانچر گاڑی کو دوبارہ روس منتقل کر دیا گیا۔
تحقیقاتی ٹیم نے روسی بیان کو مسترد کیا ہے جس میں کہا گیا تھا کہ ایمسٹرڈیم سے کوالمپور جانے والی پرواز پر یوکرائن کی فوج نے حملہ کیا ہے۔ جولائی 2014میں ہونے والے اس حملے میں جہاز پر موجود 298افراد مارے گئے تھے جن میں بیشتر کا تعلق ہالینڈ سے تھا۔
پراسیکیورٹرز نے اب تک روس کے خلاف باقاعدہ کوئی الزام عائد نہیں کیا تھا جس کی وجہ سے ہلاک شدگان کے لواحقین بھی قانونی چارہ جوئی سے قاصر تھے۔ تاہم اب اس رپورٹ کے بعد قانونی چارہ جوئی ممکن ہے۔ تاہم لواحقین کا کہنا ہے کہ اب بھی رپورٹ میں بہت سے شواہد چھپائے گئے ہیں۔
ادھر روس نے الزامات کو مسترد کرتے ہوئے کہا کہ مغربی ممالک کی یہ رپورٹ روس کے خلاف سازش ہے۔ اسے سیاسی بنیادوں پر بنایا گیا ہے۔
