زندگی ایک چاکلیٹ کا ڈبا ہے، آپ نہیں جانتے کہ آپ کو کیا ملنے والا ہے۔ ایسا لگتا ہے کہ فارسٹ گمپ کا یہ کہنا درست تھا۔
گمپ کا کردار ادا کرنے والے ٹام ہینکس نے اس بات کو سچ کردکھایا۔
نیویارک کے سنٹرل پارک میں نیا شادی شدہ جوڑا اس وقت حیران رہ گیا جب جاگنگ کرتے ٹام ہینکس ان کے ساتھ تصویریں بنانے پہنچ گئے۔
الزبتھ اور رائن پارک میں فوٹو شوٹ میں مصروف تھے جب ہینکس ان کے پاس پہنچے اور اپنا تعارف کرایا۔
ٹام ہینکس کے ساتھ اس جوڑے نے پھر مختلف تصاویر بنوائیں جنہیں ان کے فوٹو گرافر میگ ملر نے انسٹاگرام پر پوسٹ کیا۔
ہینکس نے دلہا کے ساتھ ہاتھ ملایا۔ دلہن کے ہاتھ پر بوسہ دیا۔ دونوں کے ساتھ سیلفی لی اور عمر بھر ساتھ نبھانے کی دعا دی۔
ایسا پہلی بار نہیں کہ ہینکس نے کسی کی شادی میں اس طرح سرپرائز انٹری دی ہو۔
1993 میں فارسٹ گمپ کی شوٹنگ کرتے ہوئے ہینکس نے دلہن بنی میری ڈننگ چیپمین کو اسی طرح حیران کردیا تھا اور اس کے ساتھ تصویر بنائی۔
ہینکس اکثر اپنے پرستاروں کو اس طرح حیران کرتے رہتے ہیں۔ 2012 میں انہوں نے شمالی ڈکوٹا کے ایک ریسٹورنٹ میں بے ہوشی کی ایکٹنگ کرتے فین کے ساتھ تصویریں بنائی۔
پچھلے سال انہیں سینٹرل پارک میں جوگنگ کے دوران ایک طالبہ کا آئی ڈی کارڈ ملا جس کو انہوں نے ٹویٹر پر پوسٹ کیا۔
ان کی یہ پوسٹ بھی کام کرگئی جب لورین وٹمور کے پروفیسر نے آئی ڈی کارڈ دیکھ کر اسے آگاہ کیا۔
