ہالی وڈ فلم تھور کے اداکار کرس ہیمزورتھ ایک مہینہ اپنے ہاتھوں پر نیل پالش لگائیں گے۔
کرس بچوں پر تشدد کے خاتمے کی مہم کا حصہ بنے ہیں جس کے لیے اکتوبر میں اپنے ہاتھ کی ایک انگلی پر نیل پالش لگایا کریں گے۔
کرس ہیمز ورتھ نے اپنے انسٹاگرام اکاؤنٹ پر مہم کا حصہ بننے کا اعلان کیا۔
”ہر پانچ میں سے ایک بچہ 18 سال کی عمر کو پہنچنے سے پہلے جسمانی یا جنسی تشدد کا شکار بنتا ہے۔ اس حوالے سے آگاہی پھیلانے اور فنڈز اکٹھے کرنے کے لیے میں اکتوبر کے مہینے میں اپنے ہاتھ کی ایک انگلی پر نیل پالش لگاؤں گا۔”
”دی پالشڈ مین” نامی اس مہم کو وائے جی اے پی نامی این جی او چلارہی ہے جس کا بنیادی مقصد غربت کا خاتمہ ہے۔
کرس ہیمزورتھ جیسے سپر سٹار کے حصہ بننے سے اس مہم میں تیزی آرہی ہے۔
اس سال وہ اپنی گھڑی نیلام کرکے آسٹریلین چائلڈ ہڈ فاؤنڈیشن کے لیے 30 ہزار ڈالر چندہ اکٹھا کرچکے ہیں۔