ایران نے کینیڈا سے تعلق رکھنے والی پروفیسر کو رہا کر دیا ہے، ایرانی اہلکاروں کے مطابق ایرانی نژاد کینیڈین پروفیسر ہما ہودفر کو سکیورٹی الزامات کے تحت حراست میں لیا گیا تھا تاہم اب انہیں رہا کر دیا گیا ہے۔
ایرانی وزارت خارجہ کے ترجمان کے مطابق ہما ہودفر کو انسانی ہمدردی کی بنیاد پر رہا کیا گیا۔ 65 سالہ ہما مونٹریال میں کاونکورڈیا یونیورسٹی میں تدریس سے وابستہ رہ چکی ہیں، انہیں چھ جون کو اُس وقت گرفتار کیا گیا جب وہ تہران میں ایون قیدخانے کا دورہ کر رہی تھیں۔ اُن کے اہل خانہ کے مطابق، اُن کا پاسپورٹ ضبط کیا گیا اور ایران پر روانگی پر بندش عائد کی گئی تھی۔
ایران دوہری شہریت کو تسلیم نہیں کرتا، اور سکیورٹی کی وجوہ کی بنا پر دوہری شہریت رکھنے والے کئی افراد کو گرفتار کیا جا چکا ہے تاہم ہما ہودفر کو کینیڈین حکومت کے دباؤ پر رہا کرنے کا فیصلہ کیا گیا۔