کوئٹہ اور کراچی کے بعد لاہور میں بھی کانگو وائرس پھیلنے لگا، جناح اسپتال میں 10 روز سے زیر علاج 16 سالہ ظہیر چل بسا، رواں سال پنجاب میں کانگو سے ہلاکتوں کی تعداد 5 ہو گئی ہے۔
کوٹ رادھا کشن کے 16 سالہ ظہیر کو 15 ستمبر کو بخار پر جناح اسپتال لایا گیا تھا جہاں اس کے خون کے نمونوں کی جانچ کے بعد کانگو وائرس کی تصدیق کی گئی تھی۔ رات کو ظہیر کانگو کے سامنے زندگی کی بازی ہار گیا، ڈاکٹروں نے اس کے گھر والوں کے خون کے نمونے بھی حاصل کر لئے ہیں۔ عید الاضحیٰ کے بعد یہ پنجاب میں کانگو سے پہلے ہلاکت ہے۔
کانگو وائرس کوئٹہ میں زیادہ خطرناک صورت اختیار کرتا جا رہا ہے۔ عید کے بعد کوئٹہ میں 3 افراد کانگو کے باعث موت کے منہ میں چلے گئے جبکہ متعدد اسپتال زیر علاج ہیں۔ رواں سال 11 افراد کوئٹہ سمیت بلوچستان کے مختلف علاقوں میں کانگو بخار کے باعث چل بسے۔
خیبر پختون خوا میں 5 افراد کانگو کے باعث موت کا شکار ہوئے ہیں۔