کراچی کے معطل ایس ایس پی راؤ انوار کہتے ہیں وہ ڈرنے والے ہیں نا جھکنے والے ہیں، اگر کچھ ہوا تو دو لوگ اس کے ذمہ دار ہوں گ۔ راؤ انوار دبئی میں دو روز گزارنے کے بعد کراچی واپس پہنچ چکے ہیں۔ میڈیا سے گفتگومیں انہوں نے کہا کہ گھر والوں کو دو نام بتائے ہیں، اگر مجھے مار دیا گیا تو یہی دو لوگ ذمہ دار ہوں گے۔
راؤ انوار سندھ میں ایم کیو ایم سے تعلق رکھنے والے اپوزیشن لیڈر خواجہ اظہار الحسن کی گرفتاری پر معطل کئے گئے تھے تاہم انہوں نے ہائیکورٹ میں اپنی معطلی کے خلاف درخواست دائر کر رکھی ہے۔ راؤ انوار کا کہنا ہے کہ وہ اپنی معطلی کا مقدمہ لڑیں گے اور سرخرو ہوں گے۔