پاکستان اور بھارت کے درمیان اڑی سیکٹر میں فائرنگ کا تبادلہ ہوا ہے، یہ وہی مقام ہے جہاں دو روز قبل بھارتی فوجی ہیڈکوارٹر پر عسکریت پسندوں کے حملے میں 18 بھارتی فوجی ہلاک ہو گئے تھے۔ آئی ایس پی آر کی طرف سے اگرچہ فائرنگ کے تبادلے کی تصدیق نہیں کی گئی تاہم بھارتی سرکاری نیوز ایجنسی پریسٹ ٹرسٹ آف انڈیا نے بھارتی فوج کے ذرائع کے حوالے سے فائرنگ کی اطلاع دی ہے۔
پریسٹ ٹرسٹ آف انڈیا کے مطابق ایل او سی پر اڑی سیکٹر کے قریب منگل کی صبح فائرنگ کا تبادلہ ہوا جو ایک گھنٹے تک جاری رہا۔ دونوں طرف سے چھوٹے اور درمیانے ہتھیاروں کا استعمال کیا گیا۔ بھارتی ایجنسی کے مطابق وزیر داخلہ راج ناتھ سنگھ نے بارڈر سکیورٹی فورسز کو کسی کارروائی کی صورت میں رد عمل کے لئے فری ہینڈ دے دیا ہے۔
