براہمداخ بگٹی کی جماعت بلوچ ری پبلکن پارٹی کے ترجمان نے بھارتی اخبار دی ہندو کو انٹریوو میں بتایا کہ براہمداخ نے بھارت میں سیاسی پناہ لینے کا فیصلہ کر لیا ہے۔اس سلسلے میں وہ جلد ہی نئی دلی کا سفر کریں گے۔ براہمداخ بگٹی آج کل سوئٹزلینڈ میں موجود ہیں۔ دی ہندو کو ٹیلی فونک انٹرویو میں پارٹی ترجمان نے اڑی حملے کی مذمت کی۔
عزیز اللہ بگٹی نے کہا کہ وہ اپنی پارٹی کے رہنما براہمداخ کی سیکیورٹی کے حوالے سے بہت پریشان ہیں اور انہیں یہاں نشانہ بنایا جا سکتا ہے۔ اس وجہ سے پارٹی نے فیصلہ کیا ہے کہ براہمداخ بھارت میں جا کر سیاسی پناہ لیں کیونکہ یہ محفوظ ہے۔
ترجمان نے کہا کہ ابھی یہ فیصلہ تو نہیں ہوا ہے کہ ان کے ساتھ اور کون بھارت منتقل ہو گا لیکن براہمداخ کی منتقلی کا حتمی فیصلہ کر لیا گیا ہے۔ اب یہ ان سربراہ کا فیصلہ ہے کہ کون کون ان کے ساتھ جائے گا۔
عزیز اللہ بگٹی نے پارٹی کی جانب سے اڑی حملے کی شدید ترین مذمت کی اور پاکستان پر اس کا الزام لگایا۔
