سائنسدانوں کے مطابق اگست 2016 موسمیات کے ریکارڈ کے مطابق گرم ترین ثابت ہوا ہے۔ امریکی ادارے ناسا کی رپورٹ میں کہا گیا ہے کہ 2016 کا ا گست 136 برس کا سب سے گرم ترین مہینہ رہا ۔ ادارے کا کہنا ہےکہ اگرچہ جولائی اور اگست سال کے گرم ترین مہینے ہوتے ہیں ۔ تاہم اس برس اگست کا درجہ حرارت مجموعی طور پر اگست 2014 کے مقابلے میں 0.6فیصد بڑھا جبکہ 1951 سے 1980 کے مقابلے میں اگست کے مہینے میں درجہ حرارت 0.98ڈگری بڑھ چکا ہے۔
ناسا نے خبردار کیا ہے کہ ماہانہ درجہ بندی میں درجہ حرارت کا سینٹی گریڈ کے ہزارویں حصے میں بڑھنا بھی پریشان کن ہے اور اگست کی صورتحال تو بہت بڑے خطرے کی طرف اشارہ کر رہی ہے ۔
ناسا کے ذیلی ادارے جی آئی ایس ایس کا کہنا ہے کہ اس بڑھتے درجہ حرارت سے کرہ ارض ڈوب سکتا ہے اور اس خطرے کو کم کرنے کا حل طویل المدت منصوبوں کی ضرورت ہے۔