سوئٹزرلینڈ کے شہر جنیوا میں مذاکرات کے بعد امریکہ اور روس نے شام میں 12 ستمبر کو غروب آفتاب سے جنگ بندی پر اتفاق کیا ہے۔
روس اور امریکہ کے درمیان مذاکرات میں طے کیا گیا ہے کہ باغیوں کے کنٹرول میں مخصوص علاقوں کے خلاف شامی حکومت کارروائی نہیں کرے گی۔
روس اور امریکہ کا مشترکہ سینٹر قائم کیا جائے گا جو اپنے آپ کو دولت اسلامیہ کہلانے والی شدت پسند تنظیم اور النصرہ کے جنگجوؤں کے خلاف کارروائی کرے گا۔
جان کیری نے کہا ہے کہ شام میں باغیوں نے عندیہ دیا ہے کہ وہ اس منصوبے پر عملدرآمد کرنے کو تیار ہے بشرطیکہ شامی حکومت بھی سنجیدگی دکھائے۔
روسی وزیر خارجہ سرگئی لاروف نے کہا کہ روس نے شامی حکومت کو اس منصوبے سے آگاہ کیا ہے اور شامی حکومت اس پر عملدرآمد کرنے کے لیے تیار ہے۔
جان کیری نے مزید بتایا کہ جنگ بندی کے 7 روز بعد امریکہ اور روس مشترکہ عملدرآمد گروپ سینٹر قائم کرے گے جو دولت اسلامیہ اور النصرہ کے جنگجوؤں کے خلاف کارروائی کرے گا۔
روسی وزیر حارجہ کا خیا ل ہے کہ منصوبے میں دونوں ممالک کے درمیان کچھ اعتماد کی کمی کیونکہ شام میں کچھ گروہ ہیں جو اس منصوبے کو ناکام بنانے کی کوشش کریں گے۔