کراچی میں احتجاج کے باعث گرفتارفیصل واوڈا کی شخصی ضمانت منظورکرلی گئی۔ عدالت نے انہیں فوری طور پر رہا کرنے کا حکم دے دیا ۔فیصل واڈا کی ضمانت تیس ہزار روپے کے عوض منظور کی گئی۔
فیصل واڈا کو گزشتہ روز شارع فیصل دھرنے سے گرفتار کیا گیا تھا ۔ ان پر الزام ہے کہ انہوں نے ائیر پورٹ اسٹار گیٹ پر دھرنا دیا جس کے بعد گھنٹوں ٹریفک جام ہوگیا، وزیر اعلیٰ سندھ نے صورتحال کا نوٹس لیا اور پھر انہیں گرفتار کرلیا گیا۔
فیصل واڈا کے دھرنے اور احتجاج کے باعث سیکڑوں گاڑیاں ٹریفک میں پھنس گئیں جن میں متعدد ایمبولنسس بھی شامل تھیں۔اس دھرنے اور احتجاج کی وجہ سے شہریوں کو شدید مشکلات کا سامنا کرنا پڑا۔