کراچی میں صوبائی اسمبلی کے حلقے پی ایس 127کے انتخابی دنگل کے دوران سیاسی جماعتوں میں مار دھاڑ اور فائرنگ، ملیر اردو نگر میں متحدہ اور مہاجر قومی موومنٹ کے کارکن گتھم گتھا ہو گئے۔
کھوکھر اپار میں انتخابی کیمپ پر فائرنگ سے دوافراد زخمی ہو گئے۔ جعفرطیار میں انتخائی کیمپ اکھاڑ دیا گیا۔ رینجرز اور پولیس کی ایک کے بعد دوسری جگہ شروع ہونے والے ٹکراؤ پر قابو پایا۔
ملیر کے علاقے اردو نگر میںاردونگر میں متحدہ اورمہاجرقومی موومنٹ کےکارکنوں نے ایک دوسرے کو تشدد کو نشانہ بنایا۔ جس کے بعد کشیدگی پھیل گئی۔ رینجرز اور پولیس کی نفری موقع پر پہنچ گئی۔
جعفرطیارغازی چوک پرایم کیو ایم کاالیکشن کیمپ اکھاڑدیا گیا۔ایم کیو ایم کا الزام ہے کہ اس کا الیکشن کیمپ مخالفین نے اکھاڑا ہے۔
مائنس الطاف کے بعد ایم کیو ایم پاکستان کے لیے پہلا انتخابی چیلنج ہے۔ پی پی کی 2004 میں کھوئی ہوئی نشست پر نظریں ہیں۔ پی ٹی آئی اور مہاجر قومی موومنٹ بھی عوامی عدالت میں موجود ہے۔
