انگلینڈ کےخلاف ون ڈے سیریز میں ٹیم کی شکست کے بعد پی سی بی کے دباؤ پر اظہر علی نےمستعفی ہونے کا فیصلہ کرلیا ہے۔
ذرائع کے مطابق اظہر علی اپنے مستعفی ہونےکااعلان 10 ستمبر کو پاکستان پہنچنے کے بعد کریں گے۔ ذرائع کا یہ بھی بتانا ہے کہ پی سی بی نے اظہر علی کو پیغام بھیجا ہے کہ وہ خود قیادت سے الگ ہو جائیں۔
ویسٹ انڈیز کے خلاف سیریز میں اظہر علی بطور بیٹسمین ٹیم کاحصہ ہوں گے۔ جبکہ ویسٹ انڈیز کے خلاف ون ڈے اور ٹی 20 سیریز میں سر فراز احمد ہی قیادت کریں گے۔
کارڈف میں کھیلے گئے سیریز کے آخری ون ڈے کے بعد قومی ٹیم کے کوچ مکی آرتھراوراظہر علی کے درمیان 2 گھنٹے طویل ملاقات بھی ہوئی تھی۔
ذرائع کا کہنا ہے کہ پی سی بی نے اظہر علی کو ون دے ٹیم کا حصہ رہنے کا کہا ہے لیکن وہ ٹیم کا مستقل حصہ نہیں ہونگے۔ اور ان کو ٹیسٹ میں موقع دیا جاٗے گا
