پُرانے ڈیزائن کے کرنسی نوٹ یکم دسمبر کے بعد ردی بن جائیں گے۔ ان نوٹوں کو جلدی خرچ کرلیں کیونکہ یکم دسمبر کے بعد کوئی بینک پُرانے نوٹ نہیں لے گا، صرف نئے ڈیزائن کے نوٹ ہی قابل قبول ہوں گے۔
اسٹیٹ بینک کے مطابق پُرانے ڈیزائن کے تمام کرنسی نوٹوں کی قانونی حیثیت یکم دسمبر 2016 سے ختم ہو جائے گی۔
بینکوں سے بھی پُرانے ڈیزائن کے کرنسی نوٹوں کے تبادلے کا آخری دن 30 نومبر ہے۔
تمام کمرشل اور مائیکروفنانس بینک 30 نومبر تک 10، 50، 100 اور 1000 روپے کے پُرانے ڈیزائن کے نوٹوں کی وصولی اور اتنی ہی مالیت کے نئے ڈیزائن کے بینک نوٹوں اور سکوں سے تبادلہ جاری رکھیں گے۔
تاہم اسٹیٹ بینک اور اس کے فیلڈ دفاتر 31 دسمبر 2021 تک پُرانے ڈیزائن کے نوٹوں کی وصولی جاری رکھیں گے۔ 5 روپے کے نوٹ اور پُرانے ڈیزائن کے 500 روپے کے نوٹ کی قانونی حیثیت پہلے ہی ختم ہو چکی ہے۔
