فیڈرل بورڈ آف ریونیو آخرکار پاناما لیکس میں سامنے آنے والے ناموں کے خلاف حرکت میں آگیا ہے۔ آف شور کمپنی اور خفیہ اثاثے رکھنے والے 360 افراد کو ایف بی آر نے نوٹس جاری کردیا ہے۔
ذرائع کے مطابق وزیراعظم نواز شریف کے اہل خانہ کو بھی نوٹس بھیجا گیا ہے۔
ایف بی آر نے بیرون ملک کمپنیاں بنانے کے لیے استعمال مالی وسائل، ذرائع آمدن، سرمایہ کاری کی مالیت اور اسے پاکستان سے باہر بھجوانے کے بارے میں معلومات طلب کی ہیں۔
ایف بی آر نے پندرہ دن میں ٹیکس نوٹس کا جواب طلب کیا ہے۔