فکسنگ میں سزا یافتہ ٹیسٹ کرکٹر دانش کنیریا نے الزام عائد کیا ہے کہ پاکستان کرکٹ بورڈ نے انہیں امتیازی سلوک کا نشانہ بنایا۔
بھارتی میڈیا کو انٹرویو میں دانش کنیریا کا کہنا تھا کہ ان کے خلاف اسپاٹ فکسنگ کے ٹھوس شواہد نہیں تھے لیکن پی سی بی نے انہیں سپورٹ نہیں کیا جس کی وجہ سے تاحیات پابندی کا سامنا کرنا پڑا۔
پاکستان کی جانب سے سب سے زیادہ وکٹیں لینے والے اسپنر نے پی سی بی حکام کو کڑی تنقید کا نشانہ بناتے ہوئے کہا کہ پاکستان نے پیار دیا لیکن پی سی بی نے انہیں تنہاچھوڑ دیا اور امتیازی سلوک کا نشانہ بنایا۔
پینتیس سالہ دانش کنیریا پر الزام ہے کہ انہوں نے دوہزار نو میں ایسکس کاونٹی کی نمائندگی کرتے ہوئے مبینہ طورپر اسپاٹ فکسنگ کی۔
