پنجاب پولیس نے پہلی بارجرائم پیشہ افراد کا ڈیٹا مرتب کرلیا۔ لاہورکی ایک کروڑ کے لگ بھگ آبادی کی پُرامن زندگی کو تل پٹ کرنے والے جرائم پیشہ افراد کی تعداد 55 ہزار کے قریب ہے جبکہ پنجاب بھرمیں معاشرے کے یہ ناسور سوا 2 لاکھ سے بھی زائد ہیں۔
پنجاب پولیس نے صوبے میں موجود دہشت گردوں، ڈاکوؤں، چوروں، اشتہاریوں، منشیات فروشوں اورفرقہ واریت میں ملوث افراد کا ڈیٹا تیار کرلیا۔
آئی جی پنجاب کی زیر صدارت اجلاس میں پولیس افسران نے بتایا کہ ایک لاکھ سے زائد جرائم پیشہ افراد کے فنگر پرنٹس حاصل کر لئے، جبکہ باقی بچ جانے والوں کے فنگر پرنٹس لینے کا کام بھی جاری ہے۔
ڈیٹا میں جرائم پیشہ افراد کے بالوں اور رنگت تک کا بھی ذکر کیا گیا ہے۔ پنجاب پولیس نے یہ فیصلہ بھی کیاہے کہ ساڑھے 4 کروڑ روپے کی لاگت سے فنگر پرنٹ میچ سسٹم بھی خریدا جائے گا جس کے بعد مجرم قانون سےبچ نہیں پائیں گے۔
رپورٹ کےمطابق 2016ء کےدوران اب تک صوبے میں2 لاکھ ایک ہزار 839 مقدمات درج کئے جا چکے ہیں جبکہ 2015ء میں یہ تعداد ایک لاکھ 94 ہزار552 تھی۔