متحدہ قومی موومنٹ پاکستان کے سربراہ فاروق ستار نے وزیراعظم اور وزیراعلیٰ سندھ سے سیکورٹی فراہم کرنے کا مطالبہ کردیا۔
ایم کیوایم پاکستان کے سربراہ فاروق ستار نے سیکورٹی کے لئے وزیراعلیٰ سندھ اور وزیراعظم کو خط ارسال کردیا ، خط میں بتایا گیا ہے کہ فاروق ستار کی رہائش گاہ ایم کیوایم کا عارضی مرکز ہے، سیکورٹی تسلی بخش نہ ہونے کی وجہ سے دہشت گردوں کے حملے کا خدشہ ہے۔
پی آئی بی کالونی میں فاروق ستار کی رہائش گاہ پر موجودہ سیکورٹی تسلی بخش نہیں ہے، فاروق ستار کا وزیراعظم اور وزیراعلیٰ سندھ سے سیکورٹی میں اضافے کا مطالبہ کیا ہے
