مسلمانوں کا اہم مذہبی تہوار عیدالاضحیٰ اس سال نائن الیون کے دن اتوار کو متوقع ہے۔ دنیا بھر میں مسلمان اس دن کو مذہبی جوش و خروش سے مناتے ہیں۔ مسلم اکثریتی ممالک میں عید الاضحیٰ پر عام تعطیل بھی ہوتی ہے۔
اگر عید 11 ستمبر کو ہوتی ہے تو اس دن امریکا پر نائن الیون حملوں کی پندرھویں برسی بھی ہوگی۔ تاہم عید کی حتمی تاریخ کا فیصلہ سعودی حکام یکم ستمبر کو چاند دیکھنے کے بعد کریں گے۔ اسی کے بعد حج کی تاریخ کا اعلان بھی کیا جائے گا۔ اگر یکم ستمبر کو ذی الحج کا چاند نظر نہیں آیا تو عید 12 ستمبر کو ہوگی۔
امریکا میں فقہ کونسل آف نارتھ امریکا نے عید الاضحیٰ سعودی عرب کے ساتھ منانے کا اعلان کیا ہے۔ یورپین کونسل آف فتویٰ اینڈ ریسرچ بھی سعودی عرب کے ساتھ عید کریں گے۔
