میئر اور ڈپٹی میئر کی حلف برداری کی تقریب کراچی کے باغ جناح المعروف پولو گراؤنڈ میں منعقد کی گئی جس میں میئر وسیم
اختر اور ڈپٹی مئیر ارشد وہرہ نے اپنے اپنے عہدوں کا حلف اٹھایا ۔
وسیم اختر کو حلف برداری کے لیے پولیس کی خصوصی بکتر بند گاڑی میں سینٹرل جیل سے پولو گراؤنڈ لا یا گیا تھا۔
حلف اٹھانے کے بعد کراچی کے نئے میئروسیم اختر نے خطاب کرتے ہوئے کہا کہ میں خود نعرے لگاتا ہوں تاکہ سب کی تسلی ہو ،جئے متحدہ ، جئے بھٹو، جئے عمران۔ہم مل کر اس نیا کو پار لگاسکتے ہیں ۔ہم پاکستان پر کوئی آنچ نہیں آنے دیں گے۔
وسیم اختر نے مزید کہا کہ امیدکروں گا وزیراعلیٰ بھی شہر کےمسائل سےنجات دلانے میں مدد کریں گے،بلاول بھٹو ، آصف زرداری سےکہوں گا شہر اورصوبے کیلئے مل کر کام کرنا ہوگاہمیں، متحد ہو کر مسائل کو حل کرنا ہوگا ۔
وسیم اختر کی جانب سے یہ مطالبہ بھی کیا گیا کہ حلف برداری کے بعد صوبائی حکومت قانون سازی کرکے انہیں ضمانت پررہا کرائے یا پھر معاملات چلانے کے لیے جیل میں ہی دفتر کھلوادیں۔