سیاسی جماعتوں کی الیکشن کمیشن میں اثاثوں کی تفصیلات جمع کرانے کا آج آخری دن ہے۔ 29اگست تک اثاثوں کی تفصیلات جمع نہ کرانے والی سیاسی جماعتوں کو انتخابات میں حصہ لینے کی اجازت نہیں ہوگی۔
الیکشن کمیشن کے اعلامیہ کے مطابق سیاسی جماعتیں آمدن اور فنڈز سمیت پارٹی کی مالی پوزیشن اور انکے ذرائع سے متعلق تفصیلات 29 اگست تک فراہم کریں۔ گوشوارے جمع نہ کرانے والی سیاسی جماعتوں کو انتخابی نشانات الاٹ نہیں کئے جائیں گے۔
الیکشن کمیشن کے مطابق پولیٹیکل پارٹیز ایکٹ 2002 ءکے آرٹیکل 13 کے مطابق تمام سیاسی جماعتیں مالی سال ختم ہونے کے 60 روز کے اندر پارٹی اثاثہ جات کی تفصیلات جمع کرانے کی پابند ہیں۔
