امریکی ری پبلکن صدارتی امیدوار ڈونلڈ ٹرمپ کا کہنا ہے کہ وہ صدر بنتے ہی غیر قانونی تارکین وطن کو ملک بدر کردیں گے ۔ ریاست آئیووا کے شہر ڈیس موئینس میں انتخابی مہم کی ریلی سے خطاب کرتے ہوئے ڈونلڈ ٹرمپ نے ایک بار پھر اپنا بیان دہراتے ہوئے کہا کہ اگر وہ صدر منتخب ہوئے تو تارکین وطن کی فوائد تک رسائی روکنے کے لیے نیا نظام نافذ کیا جائے گا اور غیر قانونی مہاجرین کو جلد از جلد ڈی پورٹ کیا جائے گا ۔ ڈونلڈ ٹرمپ کا کہنا تھا کہ امریکا میں ایگزٹ اور انٹری کے لیے نیا ٹریکنگ سسٹم نافذ کیا جائے گا ۔ نئے نظام کے تحت ویزا ختم ہونے کے بعد قیام کرنے والوں کی نشاندہی ہوسکے گی ۔ ڈونلڈ ٹرمپ اس سے پہلے بھی تارکین وطن کے خلاف متعدد بار بیانات دے چکے ہیں
