ڈیوائن جانسن المعروف دی راک دنیا بھر میں سالانہ سب سے زیادہ کمانے والے اداکار بن گئے ہیں راک نے
ریسلنگ کے بعد ہولی وڈ میں بھی سپراسٹار کا درجہ حاصل کرچکے ہیں لیکن انہوں نے اپنی پیشہ وارانہ زندگی کا آغاز محض 7 ڈالرز سے کیا تھا
راک رگبی کھلاڑی کی حیثیت سے میامی یونیورسٹی کی ٹیم کا حصہ تھے، جس کے عوض انہیں صرف سات ڈالرز دیئے جاتے تھے۔
اس کے بعد راک نے کینیڈین فٹبال لیگ میں بھی حصہ لیا جہاں انہیں صرف ڈھائی سو ڈالرز ہفتہ ملتے تھے ،
مگر محبت میں چوٹ کھا کر انہوں نے اپنے آبائی کھیل ریسلنگ میں جانا پسند کیا۔
اب یہ بتانے کی ضرورت نہیں کہ 1996 میں ریلسنگ کا حصہ بننے کے بعد 2002 تک اسے ہولی وڈ کے لیے چھوڑنے تک وہ کتنے مقبول ہوچکے تھے
دی راک نے 2001 میں فلم دی ممی ریٹرنز سے اداکاری کا ڈیبیو کیا
اور یہی کردار دی اسکارپین کنگ میں دوبارہ دہرایا اور ریسلنگ سپراسٹار ہونے کی وجہ سے پہلے کردار میں ہی انہیں 5.5 ملین ڈالرز کا معاوضہ ملا۔
تاہم راک کو مقبولیت 2003 کی فلم دی رن ڈاﺅن اور فاسٹ اینڈ فیوریس کی شکل میں ملی جس میں وہ پہلی بار فاسٹ فائیو میں نظر آئے، اور اب وہ فاسٹ اینڈ فیوریس 8 کا بھی حصہ ہیں۔
اب راک کی ایک سال کی کمائی 64.5 ملین ڈالرز ہے۔
ڈیوائن جانسن المعروف دی راک نے ٹوئٹر پر اپنے جذبات کا اظہار کرتے ہوئے کہا ‘ میں نے 7 ڈالرز سے آغاز کیا، اگر میں آگے بڑھ سکتا ہوں تو آپ بھی ایسا کرسکتے ہیں’۔
