کراچی کے ضلع وسطی میں رینجرز نے ایم کیو ایم کے مرکز اور دفاتر سیل کر دیئے جبکہ اے آر وائے کے دفتر پر حملے میں ملوث دو خواتین کو گرفتار کر لیا۔ ان خواتین کو سی سی ٹی وی فوٹیج کی مدد سے لا ئنز ایریا سے حراست میں لے کر نامعلوم مقام پر منتقل کر دیا گیا۔
ادھر صدر لکی سٹار کے قریب حساس ادارے کی گاڑی پر فائرنگ سے ایک سیکیورٹی اہلکار امجد شہید جبکہ دوسر ا ذخمی ہوگیا۔
موقع پر موجود پولیس اہلکاروں نے ایک ملزم کو اسلحہ سمیت گرفتار کر کے نامعلوم مقام پر منتقل کر دیا ہے۔
نارتھ کراچی دعا چوک کے قریب فائرنگ سے ایک شخص زخمی ہوگیا۔
سولجر بازار پولیس نے مختلف الزامات میں آٹھ ملزموں کو گرفتار کر کے اسلحہ اور منشیات برآمد کرلیں۔
گرفتار ملزموں میں سے 6 نیشنل ایکشن پلان کے تحت گرفتار کئے گئے ہیں۔