ملتان کی عدالت نے قندیل بلوچ قتل کیس میں ملزم عارف کو اشتہاری قرار دے دیا۔
دنیا ٹوڈے کے ذرائع کا کہنا ہے کہ ملزم عارف کو انٹرپول کے ذریعے پاکستان لایا جائے گا۔
مقتولہ کے بھائی وسیم اور کزن حق نواز سے تفتیش میں یہ بات سامنے آئی تھی کہ عارف نے قندیل بلوچ کے قتل کا منصوبہ بنایا اور قتل کرنے والے ملزموں کی مدد کی تھی۔
پولیس نے عارف کی گرفتاری کے لیے وارنٹ حاصل کرلئے تھے لیکن اس کے بیرون ملک مقیم ہونے کے باعث گرفتار نہ کیا جاسکا، ملزم کو اشتہاری قرار دے دیا گیا ہے۔