فاٹا اصلاحات کمیٹی کی سفارشات پر عسکری و سیاسی قیادت آج فیصلہ کرے گی۔ فاٹا اصلاحات کمیٹی نے اپنی سفارشات میں 4 تجاویز پیش کی ہیں۔ پہلی تجویز میں فاٹا کو خیبر پختونخوا کا حصہ بنانے کا کہا گیا ہے۔ دوسری تجویز میں فاٹا کو الگ صوبہ بنانے کی سفارش کی گئی۔ سفارشات میں فاٹا کی موجودہ حیثیت برقرار رکھنے کی تجویز بھی شامل ہے۔ چوتھی تجویز میں فاٹا کونسل تشکیل دینے کی سفارش کی گئی ہے۔
فاٹا کی نوجوان نسل، سول سوسائٹی اور تاجر برادری خیبر پختونخوا کا حصہ بننے کے حامی ہیں۔ قبائلی عمائدین موجودہ حیثیت کو برقرار رکھنا چاہتے ہیں۔ نئے صوبے کی حمایت کرنے والی کی تعداد بہت کم ہے۔ انتظامی امور میں مسائل کے باعث فاٹا کونسل کی تجویز پر بھی فاٹا کی اکثریت متفق نہیں ہے۔