متحدہ کے قائد الطاف حسین نے اپنے اختیارات سے دستبرداری کا اعلان کردیا۔ ایم کیو ایم لندن کی قیادت نے تمام اختیارات رابطہ کمیٹی کے سپرد کردئیے۔ متحدہ قائد نے کارکنوں کو فاروق ستارکے ہاتھ مضبوط کرنے کی ہدایت کردی۔
لندن سے جاری بیان میں تنظیم، پالیسی اور فیصلہ سازی کے اختیارات رابطہ کمیٹی کو دے دئیے۔ رابطہ کمیٹی کو ڈاکٹر فاروق ستار کے ہاتھ مضبوط کرنے کی ہدایت کردی۔
اس سے پہلے فاروق ستار نے پریس کانفرنس میں کہا تھا کہ متحدہ قائد کو اگر کوئی مرض ہے تو پہلے اس کا علاج ہوناچاہیئے۔ انہوں نے ایم کیو ایم کے پلیٹ فارم سے پاکستان مخالف نعرے نہ لگنے کی کی ذمہ داری بھی لے لی۔
متحدہ قائد نے بھی رابطہ کمیٹی کا مشورہ مانتے ہوئے اپنی صحت پر توجہ دینے کا اعلان کیا ہے۔