ملائشین پولیس کے مطابق گلوکارنام وی مینگ نے اپنے نئے گانے ’’او مائی گاڈ‘‘ کی ویڈیو میں 3 ساتھیوں سمیت مسجد، چرچ اورمندرکے آگے کھڑے ہوکر گانا گایا جب کہ ویڈیو میں نام وی سمیت ان کے ساتھیوں کو مسجد، چرچ اور مندر کے اندر عبادت کرتے ہوئے دکھایا گیا جس پر ملک میں موجود متعدد مذہبی تنظیموں نے اعتراض کرتے ہوئے گلوکار کی گرفتاری کا مطالبہ کیا تھا۔
گانے کی ویڈیو رواں برس جولائی میں نشر کی گئی تھی تاہم 20 اگست کو معروف سماجی ویب سائٹ یو ٹیوب پر اپ لوڈ کی گئی ویڈیو میں مسجد کا حصہ نکال دیا گیا تھا۔ گلوکار نامیوی نے اپنی ایک ویڈیو کا دفاع کرتے ہوئے کہا کہ ’’او مائی گاڈ‘‘ گانے کا مقصد کسی کی دل آزاری نہیں بلکہ مذہبی ہم آہنگی کو فروغ دینا ہے۔
