مقبوضہ کشمیر میں بھارت کے مظالم کا سلسلہ جاری ہے۔ بھارتی فوج نے کپواڑہ میں 4 کشمیریوں کو درانداز قرار دے کر شہید کردیا۔
مقبوضہ وادی میں مسلسل 45 روز سے کرفیو کے باعث کھانے پینے کی اشیا اور دواؤں کی قلت ہے۔ انٹرنیٹ اور موبائل فون سروس بھی بحال نہیں کی گئی۔
کرفیو کے باوجود سری نگر اور دیگر علاقوں میں کشمیریوں نے بھارت کے خلاف مظاہرے کئے۔
حریت رہنماؤں سید علی گیلانی، میر واعظ عمر فاروق اور یاسین ملک نے کٹھ پتلی ارکان اسمبلی سے مطالبہ کیا ہے کہ وہ حکومت چھوڑ کر بھارت کے خلاف تحریک کا حصہ بنیں۔