آسٹریلیا اور سری لنکا کے درمیان کولمبو میں کھیلے جا رہے پہلے ون ڈے میچ میں فاسٹ باؤلر مچل سٹارک نے تیز ترین 100 کا ریکارڈ اپنے نام کر لیا ہے۔ انہوں نے اپنے کیریئر کے 52ویں میچ میں یہ سنگ میل عبور کیا۔
یاد رہے کہ پاکستان کے سابق آف سپنر ثقلین مشتاق نے 1997ء میں 53ویں ون ڈے میچوں میں 100 تیز ترین وکٹوں کا ریکارڈ بنایا تھا۔ آسٹریلوی فاسٹ باؤلر مچل سٹارک نے ایک انٹرویو میں وسیم اکرم کو اپنا آئیڈیل باؤلر قراد دیا تھا۔
مچل سٹارک کا کہنا تھا کہ وسیم اکرام سوئنگ، ریورس سوئنگ اور سپیڈ کے بے تاج بادشاہ تھے۔ انہوں نے بائیں ہاتھ کے تمام تیز فاسٹ باؤلرز کیلئے مثال قائم کی۔ اگر میں ان جیسا آدھا پیسر بھی بن سکوں تو یہ میرے لئے اعزاز ہوگا۔
