کراچی انٹر بورڈ کے ڈپٹی کنٹرولر امتحانات دبیر احمد کو محکمہ اینٹی کرپشن نے گرفتار کرلیا۔ ملزم پر نتائج میں تبدیلی کے عوض کروڑوں روپے کی کرپشن کا الزام ہے۔
محکمہ اینٹی کرپشن کے ڈائریکٹر نذر محمد کے مطابق ڈپٹی کنٹرولر امتحانات انٹر بورڈ دبیر احمد کو گرفتار کرلیا گیا ہے۔ دبیر احمد کو ان کے رشتہ دار کے گھر کے باہر سے گرفتار کیا گیا۔ ملزم کی گرفتاری کے لیے گزشتہ کئی روز سے محکمہ اینٹی کرپشن چھاپے مار رہی تھی۔
