قندیل بلوچ قتل کیس میں ملزم باسط کی پولی گرافک رپورٹ ملتان پولیس کو موصول ہوگئی ۔ رپورٹ میں بتایا گیا ہے کہ ٹیکسی ڈرائیور ملزم باسط کو قتل کاعلم تھا ۔ اس نے ملزم وسیم اور حق نواز کو فرار ہونے میں مدد دی اور خود روپوش ہو گیا تھا۔ پولیس پولی گرافک ٹیسٹ کی رپورٹ میں تفتیش کو مزید آگے بڑھا رہی ہے۔
قندیل بلوچ قتل کیس میں مقتولہ کے بھائی اسلم شاہین کو طلب کر لیا۔ پولیس کے مطابق اسلم شاہین کراچی میں حساس ادارے میں ملازم ہے۔ پولیس کی درخواست پر حساس ادارے نے اسلم شاہین سے تحقیقات کی اجازت دے دی۔ جبکہ قندیل بلوچ کے والد عظیم نے قندیل بلوچ کے قتل کے مقدمہ کے لیے دی گئی درخواست میں بھی شبہ کا اظہار کیا تھا کہ مرکزی ملزم وسیم نے اسلم شاہین کے ایما پر قندیل بلوچ کو قتل کیا ہے۔ اسلم شاہین چند روز میں شامل تفتیش ہونے کے لیے ملتان آئے گا
