بالی ووڈ اداکارہ کاجول نے فلم دبنگ 3 میں کام کرنے سے انکار کر دیا ہے۔ خبر ہے کہ اس فلم کے لئے کاجول سے رابطہ کیا گیا تھا، لیکن کاجول نے یہ کہہ کر یہ رول ٹھکرا دیا کہ اس رول میں کوئی دم نہیں ہے۔ یاد رہے کہ دبنگ سیریز کی فلموں میں سلمان خان کی ساتھی اداکارہ کے طور سوناکشی سنہا نے کام کیا تھا۔ دبنگ 3 میں دو ہيروئنیں ہو سکتی ہیں۔ خبروں کے مطابق سوناکشی کے علاوہ دوسری ہیروئن کے لئے کاجول سے رابطہ کیا گیا تھا لیکن کاجول نے کام کرنے سے انکار کر دیا ہے۔ بتایا جا رہا ہے کہ دبنگ 3 میں ایک ہیروئن کا بہت ہی بااثر رول ہے۔ لہذا ارباز خان کسی بڑی اداکارہ کو فلم میں لینا چاہتے ہیں، اسی لئے وہ کاجول کے پاس گئے، لیکن کاجول نے اس رول سے انکار کر دیا۔