امریکہ کی اولمپک کمیٹی نے اپنے 4 تیراکوں جھوٹ پر معافی مانگی ہے۔ تیراکوں کا کہنا تھا کہ برازیل کے شہر ریو ڈی جنیور میں گن پوائنٹ پر لوٹا گیا ہے۔ تفتیش سے تیراکوں کا جھوٹ پکڑا گیا۔
دونوں تیراک بدھ کو برازیل چھوڑ کر جا رہے تھے کہ ایک پیٹرول پمپ پر توڑ پھوڑ کی تحقیقات کے لئے انھیں جہاز سے اتارا گیا
جمعے کو دونوں امریکی تیراک گونر بنٹز اور جیک کونگر ریو ڈی جنیرو سے روانہ ہوئے۔
امریکہ کی اولمپک کمیٹی نے اپنے بیان میں تیراکوں کے رویے کو ناقابلِ قبول قرار دیتے ہوئے کہا ہے کہ یہ عمل امریکی ٹیم کی اقدار کی ترجمانی نہیں کرتا۔
پولیس سربراہ فرنینڈو ویلوسو کے مطابق کھلاڑیوں میں سے ایک یا ایک سے زیادہ افراد نے ایک پیٹرول اسٹیشن پر توڑ پھوڑ کی تھی۔
اور مسلح گارڈ کی مداخلت پر امریکیوں نے نقصان کا ازالہ کے لئے رقم ادا کی اور چلے گئے۔
پیٹرول پمپ پر تکرار کے دوران پولیس کو بھی بلا لیا گیا تھا لیکن پولیس کے وہاں پہنچنے سے قبل تیراک وہاں سے جاچکے تھے۔
چار میں سے تین تیراکوں کو پوچھ گچھ کے لیے پولیس نے برازیل میں روک لیا تھا جبکہ طلائی تمغہ جیتنے والے چوتھے تیراک رائن لوکٹی منگل کو ہی امریکہ لوٹ گئے تھے۔
ذرائع کے مطابق پیٹرول پمپ کے باتھ روم کے دروازے کو نقصان پہنچانے کے معاملے کو چھپانے کے لیے ڈکیتی کی کہانی گھڑہی تھی۔
فرنینڈو ویلوسو کا کہنا ہے کہ تیراکوں نے مسلسل اپنے بیانات تبدیل کیے اور وہ غلط بیانی اور توڑ پھوڑ کے مقدمات کا سامنا کر سکتے ہیں۔
امریکی تیراک رائن لوکٹی کا شمار دنیا کے کامیاب ترین تیراکوں میں ہوتا ہے اور وہ 12 اولمپک میڈل جیت چکے ہیں۔
