ڈیرہ غازی خان کی تحصیل تونسہ میں ضمنی الیکشن کے لئے پولنگ جاری ہے۔ پی پی 240 کے کئی پولنگ سٹیشنز پر انتخابی قواعد و ضوابط کی خلاف ورزی دیکھی جا رہی ہے۔
پرائمری اسکول جٹ والا میں پولنگ کا عمل ایک گھنٹہ دیر سے شروع ہوا۔ مقناطیسی سیاہی کے بجائے عام سیاہی استعمال کی جا رہی ہے جس سے ووٹوں کی تصدیق ممکن نہیں ہوسکے گی، پولنگ سٹیشن نمبر 99 پر بیلٹ پیپز لہرا کے ووٹ ڈالے گئے۔
مسلم لیگ ن کے امیدوار ممتاز خان قیصرانی اور آزاد امیدواروں خواجہ داود سلیمانی اور امام بخش قیصرانی کے درمیان کڑا مقابلہ ہے۔
حلقے کے ڈیڑھ لاکھ سے زائد ووٹرز کے لئے 128 پولنگ اسٹیشن بنائے گئے ہیں ان میں سے 68 حساس پولنگ اسٹیشنز پر رینجرز تعینات ہے۔
صوبائی اسمبلی کی یہ نشست مسلم لیگ (ن) کی رکن اسمبلی شمعونہ عنبرین قیصرانی کی نااہلی پر خالی ہوئی تھی، جنہیں اثاثے چھپانے پر نااہل قرار دیا گیا۔
