ایف بی آر نے محکمہ ایکسائز اینڈ ٹیکسیشن سندھ سے رابطہ کر کے ان کے تحفظات کے بارے میں رابطہ کر لیا۔ صوبائی وزراء نے سندھ کے 6ارب 13کروڑ کی ود ہولڈنگ ٹیکس کے نام پر کٹوتی کو ڈکیتی قرار دیا تھا
پاکستان پیپلزپارٹی کے آٹھ صوبائی وزراء اور معاونین خصوصی نے گزشتہ روز پریس کانفرنس کے دوران کہا تھا کہ وفاق نے ود ہولڈنگ ٹیکس کے نام پر سندھ کے چھ ارب تیرہ کروڑ روپے کی کٹوتی کی ہے اور یہ رقم صرف محکمہ ایکسائز کے ٹیکس سے کاٹی گئی ہے جو ڈکیتی کے مترادف ہے۔ صوبائی وزیر ایکسائز مکیش کمار چاؤلہ نے کہا کہ اس معاملہ کو وفاق کے سامنے اٹھائیں گے اور وزیراعلی سندھ سید مراد علی شاہ اس معاملہ پر وزیراعظم نواز شریف سے بات کریں گے ۔ جس کےبعد آج آج ایف بی آر حکام نے صوبائی وزراء سے رابطہ کیا ہے اور ان کے تحفظات کے بارے میں معلومات حاصل کی ہیں
