صوبائی حکومتوں نے بھی اخراجات پورے کرنے کے لیے مرکزی بینک سے قرض لینا شروع کر دیا۔ اسٹیٹ بینک کے مطابق اگست کے پہلے ہفتے کے دوران پنجاب نے بینک سے 27 ارب 28 کروڑ روپے قرض لیا۔
اس دوران خیبر پختونخوا حکومت نے 21 ارب 77 کروڑ روپے اور سند ھ حکومت نے 37 کروڑ روپے کے قرضے لیے۔ ان کے برعکس بلوچستان نے نیا قرض لینے کی بجائے مرکزی بینک کو 8 ارب 57 کروڑ روپے واپس کیے۔ گزشتہ مالی سال اس عرصے میں صوبائی حکومتوں نے مرکزی بینک سے مجموعی طور پر 12 ارب روپے قرض لیا تھا۔۔
