حکومت اور اپوزیشن نے پاناما لیکس سمیت کرپشن کی تحقیقات کے لیے نیا قانون لانے پر اتفاق کیا ہے۔
اسلام آباد میں وزیر خزانہ اسحاق ڈار اور اپوزیشن لیڈر خورشید شاہ کے درمیان ملاقات ہوئی جس میں 1956 انکوائری ایکٹ میں ترمیم کے بجائے نیا قانون بنانے پر اتفاق کیا گیا۔
اسحاق ڈار نے پاناما لیکس کے ٹی او آر کے معاملے پر اسپیکر قومی اسمبلی اور اپوزیشن لیڈر سے ثالثی کی اپیل کی ہے۔
اسحاق ڈار نے میڈیا سے گفتگو میں بتایا کہ ساٹھ سال سے ایک قانون چل رہا تھا، بدعنوانی کی تحقیقات کے لیے قانون مضبوط کرنے کی ضرورت ہے۔
خورشید شاہ کا کہنا تھا کہ اعتزاز احسن سے مشاورت کے بعد اجلاس بلانے کا فیصلہ کریں گے۔
