بھارتی ریاست اڑیسہ کے ایک وزیر نے اپنے گارڈ کو اپنے جوتے کے تسمے باندھنے کا حکم دے دیا۔
ریاست اڑیسہ کے وزیر جوگیندر بہیرا اپنے ملک کے یوم آزادی کی تقریب میں شریک تھے۔ پرچم کشائی سے پہلے انہوں نے اپنے گارڈ کو حکم دیا کہ وہ ان کے جوتے کے تسمے باندھ دے۔ گارڈ نے جوگیندربہیرا کے جوتے کے تسمے باندھے تو کیمرے کی آنکھ نے اس منظر کو محفوظ کرلیا۔ فوٹیج سامنے آنے پر جوگیندر کو شدید تنقید کا نشانہ بنایا جارہا ہے۔ تاہم ریاستی وزیر کا کہنا ہے کہ وہ وی آئی پی ہیں اپنے جوتوں کے تسمے خود نہیں باندھ سکتے اور گارڈ سے تسمے بندھوا کر انہوں نے کچھ غلط نہیں کیا۔